Honorable CM Punjab Maryam Nawaz Sharif distributed Honhaar Scholarship Cheques to Students at the IUB

بہ تسلیمات نظامت اعلیٰ تعلقات عامہ پنجاب
 لاہور، فون نمبر: 99201390
ڈاکٹر محمد عمران اسلم/ پی آر او ٹو سی ایم
 ہینڈ آؤٹ نمبر 42
بہاولپور ڈویژن کے 3011 طلبہ کیلئے 17 کروڑ 32 لاکھ روپے کے ہونہار سکالر شپ، وزیراعلیٰ مریم نواز نے خود جاکر چیک تقسیم کردیئے
بہاولپور کی پبلک سیکٹر یونیورسٹیز کے 2296 طلبہ کو 14 کروڑ 71 لاکھ، کالجز کے 400 طلبہ کو 80 لاکھ، میڈیکل کالج کے 315 طلبہ کو ایک کروڑ 81لاکھ روپے کے سکالر شپ دئیے گئے
وزیراعلیٰ مریم نواز نے برٹش جونیئر چیمپئن شپ انڈر 13 جیتنے والے سکواش پلیئر سہیل عدنان کو ساتھ بٹھا لیا، 50 لاکھ کا انعامی چیک دیا
 طالبہ کی جذباتی سرائیکی تقریر سے آنکھیں نم ہوگئیں، وزیراعلیٰ مریم نواز نے اپنی سیٹ پر بٹھا لیا، طلبہ کی درخواست پر ان کیساتھ ملکر قومی ترانہ پیش کیا
”یہ وطن ہمارا ہے، ہم ہیں پاسباں اسکے“ تقریب میں طلبہ کا خصوصی ملی نغمہ، وزیراعلیٰ مریم نواز نے خود ملی نغمہ پیش کرنیوالوں بچوں کی ویڈیو فوٹیج بنائی
وزیراعلیٰ مریم نواز کو تقریب میں پہنچنے پر بہاولپور کی روایتی چنری، بریسلٹ اور چین پیش کی گئی، وزیراعلیٰ نے چنری پہن کر تقریب میں شرکت کی
وزیراعلی پنجاب طلبہ میں گھل مل گئیں، بات چیت کی، طلبہ کو گارڈ آف آنرپیش کیاگیا، وزیراعلیٰ نے تقریر شروع کی تو بچیوں نے میٹھی آواز کی تعریف کی
لاہور 13 جنوری: علم و یقین کا قافلہ بہاولپور پہنچ گیا۔ وزیراعلیٰ پنجاب مریم نوازشریف نے اسلامیہ یونیورسٹی بہاولپور بغداد الجدید کیمپس میں بہاولپور ڈویژن کے طلبہ میں ہونہار سکالر شپ کے چیک تقسیم کئے۔ وزیراعلیٰ مریم نواز شریف تقریب میں موجود طلبہ میں گھل مل گئیں۔ وزیر اعلیٰ مریم نواز شریف نے برٹش جونیئر چیمپئن شپ انڈر 13 جیتنے والے سکواش پلیر سہیل عدنان کو ساتھ بٹھا لیا اور 50لاکھ روپے کا انعامی چیک بھی دیا۔ وزیراعلیٰ مریم نوازشریف طلبہ کے درمیان بیٹھ گئیں اور بات چیت کی۔ تقریب میں شریک طلبہ کا جوش وخروش کا اظہار کیا اور طالبات نے پرجوش نعرے لگائے۔ طالبہ کی جذباتی سرائیکی تقریر سے آنکھیں نم ہو گئیں، وزیر اعلیٰ مریم نواز نے اپنی سیٹ پر بٹھا لیا۔ وزیر اعلیٰ مریم نواز شریف نے طلبہ کی درخواست پر ان کے ساتھ ملکر قومی ترانہ پیش کیا۔وزیراعلیٰ مریم نوازشریف کی ہدایت پر طلبہ کے اعزاز میں گارڈ آف آنر پیش کیا گیا۔ پولیس کے چاک و چابند دستے نے طلبہ کو جنرل سلامی پیش کی۔''یہ وطن ہمارا ہے۔ ہم ہیں پاسباں اس کے'' تقریب میں طلبہ نے خصوصی ملی نغمہ پیش کیا۔وزیراعلیٰ مریم نوازشریف نے خود ملی نغمہ پیش کرنے والوں بچوں کی ویڈیو فوٹیج بنائی۔ ''نفرتوں کے دروازے خود پر بند رکھیں گے''۔ وزیراعلیٰ نغمہ خواں سپیشل طلبہ کو پاس بلا کر اظہار شفقت بھی کیا۔ تقریب میں ہونہار ایوارڈ کے بارے میں ڈاکومنٹری پیش کی گئی۔ بہاولپور ڈویژن کے 3011 طلبہ کو 17 کروڑ 32لاکھ روپے کے ہونہار سکالر شپ دئیے گئے۔ لاہور ڈویژن کے بعد بہاولپور ڈویژن کے طلبہ کے لئے سب سے زیادہ ہونہار سکالر شپ، پبلک سیکٹر یونیورسٹیز کے 2296 طلبہ کو 14 کروڑ 71 لاکھ سکالر شپ ملا۔ بہاولپور ڈویژن کے کالجز کے 400 طلبہ کو 80 لاکھ روپے کا ہونہار سکالر شپ ملا۔ میڈیکل کالج کے 315 طلبہ کو ایک کروڑ 81لاکھ روپے کے سکالر شپ دئیے گئے۔ 4 ڈویژن کے 11 ہزار سے زائد طلبہ کو 72 کروڑ روپے سے زائد کے ہونہار سکالر شپ مل چکے ہیں۔ وزیراعلیٰ مریم نوازشریف نے اسلامیہ یونیورسٹی بہاولپور کے اساتذہ کو بھی خراج تحسین پیش کیا اورمبارکباد دی۔ وزیراعلیٰ مریم نواز شریف کو تقریب میں پہنچنے پر بہاولپور کی روایتی چنری پیش کی گئی۔ وزیر اعلی مریم نواز شریف نے بہاولپور کی روایتی چنری پہن کر تقریب میں شرکت کی۔ طالب علم کے درخواست پر وزیر اعلیٰ مریم نواز شریف نے آٹو گراف بھی دیا۔ وزیراعلیٰ مریم نواز شریف نے تلاوت قرآن پاک اور ہدیہ نعت پیش کر نے والے طلبہ کو پاس بلا کر اظہار شفقت کیا۔ وزیر اعلیٰ مریم نواز شریف نے تقریر شروع کی تو بچیوں نے میٹھی آواز کی تعریف کی۔بچیوں نے وزیر اعلی مریم نواز شریف کر بریسلٹ اور کی چین اور دیگر تحفے پیش کئے۔

Honourable Chief Minister, Minister Higher Education, and the Host Vice Chancellor, Prof. Dr. Muhammad Kamran, entering the Honahar Scholarship Ceremony at IUB

Performance of IUB Students